شفت بزااف يهاجمون بنكيران و يصفونه بـ "بنزيدان " و هاد الوصف في حقيقة الامر وصف جميل و حقيقي وتا انا تنقول بلي بنكيران = بنزيدان ...

شفت بزااف يهاجمون بنكيران و يصفونه بـ "بنزيدان " و هاد

 الوصف في حقيقة الامر وصف جميل و حقيقي وتا انا تنقول بلي 

بنكيران = بنزيدان ...

غادي تسولوني علاش أ سفيان ؟؟
ها علاش ...:
لان الرجل دار زيادات كثيرة مفيدة و حوايج كثيرة زادها ولكن الشعب معارفهاش للاسف بسبب الحصار الاعلامي اللي مديراه الصحافة على بنكيران
المهم هاا الزيادات اللي خلاتني نوصف بنكيران بـ "بنزيدان" :

زيادة الضريبة على التيغ و الخمور ..!!! صحيح بنزيدان ..
زيادة في المنحة للطلبة 200 درهم للاجازة و300 درهم للماستر !! من 1973 معمرها تزادت !!!!صحيح اسمه بنزيدان
اعفاء المواطنين اصحاب الشطر الاول الفقراء من (ضريبة السمعي البصري) يعني 30 درهم تتنقصات عليهم ...و زادو ديك 30 درهم في جيب المواطن مول الشطر الاول !!

اعفاء المواطنين من الغرامات التي تفرضها عليهم البلديات !!!!!!!!
زيادة رواتب الحد الادني من اجور التقاعد من 50 درهم اصبحت 1000 درهم !! وستصبح الان 1500 درهم يعني زادهم في الراتب 1450 درهم ...

بناء 14 حيا جامعيا جديدا، وسيتم توسيع 5 أحياء جامعية، وبناء 13 مطعما جديدا . من 30 ألف سرير إلى 70 ألف سرير خلال سنة 2013 !!
بناء 6 مدارس للهندسة ... و10 جامعات متوزعة على كل التراب الوطني .!! زادها هادي بنزيدان !!
خفض اثمنة الادوية حوالي 2000 دواء !!!!
توسيع المستفيدين من منحة "تيسير" 200 درهم شهريا في اقليم أزيلال من 76 ألف و924 برسم الدخول المدرسي 2008-2009٬ دابا ولات 117 ألف و361 تلميذا برسم الموسم الدراسي الحالي ٬ أي بزيادة إجمالية بلغت 52.6 بالمائة . أي انه بنزيدان !!

زيادة حوالي 100.000 (مائة الف) منحة جديدة للطلاب الجدد برسم الموسم الجامعي 2013-2014، بزيادة تصل إلى 70 في المائة مقارنة مع سنة 2012. و تم رفع ميزانية المنحة إلى مليار و250 مليون سنتيم...

منحة للارامل اللي توفى الزوج ديالهم وخلى ليهم ليتامى ...بقيمة 1050 درهم شهريا هادي تزادت ومكانتش
دعم للمطلقات قيمته 1200 درهم شهريا ريتما يتم الحكم بالنفقة ... هادي مكانتش تاهيا وزادها بنزيدان ...
اعفاء ساكني دور الصفيح من رسوم البناء ... تزادت هادي كإجراء في صالح سكان الصفيح اللي خداو بقع ارضية ...!!!
التعويض على فقدان الشغل ...لمدة 6 اشهر ... و تتشد حوالي 70% من الاجر اللي كنتي تتشدو ... يعني تتخلص على الشوماج .. مكانتش هادي وزادها بنكيران ...
التغطية الصحية لحوالي 288 ألف طالب جامعي ... يعني ايلى مرضو يعمروو الوريقات و يرجع ليهم فلوس الدوااا ..!!! وحتا فلوس التشخيص عن المرض ..!!! هادي زادها بنزيدان ومكانتش ...
تدريب حوالي 10000 معطل حاصل على الاجازة و توظيف حوالي 7000 منهم هاد السنة !!!
زيادة الحد الادنى للاجور ب 25% ...في القطاع الخاص ... اما القطاع العمومي راه زاد ليهم في الراتب وولات ادنى اجرة هي 3000 درهم ... هادي تاهيا زادها بنزيدان ...
زيادة رواتب المقاومين ب 30% ...تا هادي زادها بنزيدان ..!!

هادي هي الزيادات ديال بنزيدان اللي متيقولوهاش للشعب ...!!!
(مهضرناش على البنية التحية و الطرق السيارة جديدة اسفي ... برشيد بني ملال .. ومهضرناش على الموانئ الجديدة وكلها تزادت في عهد بنزيدان )

نسيت بزاف ديال لحوايج ...!!! لكن معليش يكفي من القلادة ما أحاط بالعنق !!!
ـــــــ
الطبقات الغنية ها اشنو زاد عليها :
الوزراء اصبح يُقتطع من أجورهم 2300 درهم شهريا !! فقراء هادو !!!!
البرلمانيين غادي يوليو يساهمو ب 900 درهم شهريا ... تمشي ديركت لصندوق التكافل الاجتماعي !!!

الاقتطاع من أجور المضربين ..!!!!! وتمشي لصندوق التكافل الاجتماعي ديال الفقراء !!!
زيادة الضريبة على السيارات الفارهة اصبحت السيارات التي تتجاوز عدد الخيول في محركاتها 15 تتخلص 20000 درهم بدل 10000 درهم !!!! شفتي علامن تيزيد بنزيدان !!!!!!!!!!!!!! فقراء هادو !!!
زيادة الضريبة على الاجور ديال الموظفين لكبار موالين 2 مليون أصبحو يؤدون 750 درهم شهريا ... و موالين 10 مليون سنتيم يؤدون 5000 درهم شهريا !!!!!!!
زيادة في الفيول الصناعي !!!!!! على الاغنياء ... هادي ولا علا الفقراء ...
البنزين والمازوط راه اصلا زيادات موجهة للاغنياء بالدرجة الاولى ... اللي تيستعملو الطموبيلات ايصانص ...أما الفقراء تيسافرو نهار العيد ... ودايما كانو تيزيدو عليهم في المناسبات ...... ومع هدا بنكيران قدم دعم لموالين الطاكسيات ...باش ملي تتزاد المازوط يخلصهم ... وايضا عطاهم دعم لتغيير السيارات ديالهم حوالي 8 مليون لكل طاكسي ...
وراكم الان تتركبو في طاكسيات مريحة ... بسبب بنزيدان ..!!

الزيادة في الحليب راه كانت في عهد حكومة ديال عباس الفاسي جوج مرات تزاد ...
الشاي تزاد 100 %
الزيت ديال الطبخ تزاد 100% في عهد الفاسي ...!!!!
حنا عارفين اش كان في البلاد ... واشنو واقع الان ...
ومع بنزيدان ....ديما ...
تحياتي ليكم